Këngëtarja me prejardhje shqiptare, Rita Ora ka vendosur që sot fansat e saj në mëngjes ti përshëndes me diçka më ndryshe.
Ajo ka postuar në Instagram një fotografi ku mban veshur një bluzë me një mbishkrim interesant.
Po ta përkthesh bukfalisht atë se çfarë thotë Rita, i bie që ajo u thotë fansave: “Mirëmëngjesi trapa”
Shpresojmë që adhuruesit nuk do ti hidhërohen Ritës.
Në mitingun e Kukësit kryetari i kuvendit Ilir Meta takoi reperin Noizy. Foto e të dyve u komentua në mediat pranë qeverisë sikur Noizy ka arritur më në fund të gjejë drejtimin e duhur, pasi në zgjedhjet e kaluara këngëtari kishte mbështetur publikisht PD. Por, në rrjetet sociale komentuesit i kanë gjetur një tjetër të përbashkët. Rënia dërrastike nga pesha e Ilir Metës duket se ka sjellë ngjashmëri në pamje me Noizyn. “Të dyve u peshon koka më shumë se trupi” – është komenti pikant që po qarkullon një ditë më pas.
Po afron finalja e madhe e “Big Brother Albania”. Ky edicion është konsideruar si më kontroversi për shkak të debateve të pa rreshtura dhe skenave erotike.
Favorit për ta fituar këtë “Big Brother” llogariten Leonora dhe Fatjoni. Ky i fundit është përkrahur edhe nga Noizy, i cili e ka postuar një video ku thotë se konkurrenti në fjalë është fans i tij dhe i “OTR”.
Se a do të ndikoj kjo thirrje, mbetet për tu parë nesër mbrëma.
Princi Harry është i njohur botërisht për pëlqimin e femrave bionde. Mjafton te shohës historikun e femrave që ai ka patur të dashura për të arritur në këtë përfundim. Ndërkohë lajmi që ka prodhuar princi anglez kësaj here lidhet me një vajzë shqiptare. Gjatë një stërvitje në stadiumin e Celsit ku ai i është bashkuar djemve të Murinjos, princi ka pranuar të dalë në foto me një vajzë shqiptare, e cila menjëherë e ka postuar foton në Facebook. Ajo quhet Rudina Suti dhe është me origjinë nga Gjirokastra. Rudina që prej shumë vitesh jeton në Londër dhe në Skoci, ku punon si përthyese për institucione të ndryshme.
Debati në “Opinion” lidhur me çështjen Beccheti dhe burimin e financimit të 40 milionë eurove për ngritjen e televizionit “Agon Channel” ka prodhuar edhe disa shifra që lidhen me ofertat që pronari italian u kishte bërë emrave të njohur të ekranit. Aleksandër Frangaj akuzoi Beccheti-n për prishje të tregut mediatik, me ofertat stratosferike ndaj gazetarëve, raporton Respublica. Për këtë ai solli si shembull ofertën prej 500 mijë eurosh në vit, që sipas tij, Beccheti i bëri prezantuesit Ardit Gjebra, por ky i fundit, sipas Frangajt, refuzoi. Një ofertë e ngjashme i është bërë sipas Frangajt, edhe Fatos Lubonjës, i cili në TV Klan paguhej me 1.5 milionë lekë të vjetra në muaj. Ndërsa lidhur me pretendimin se “Agon Channel” u godit për shkak se ishte i vetmi televizion opozitar në vend, Frangaj dha argumentin se kjo tezë nuk mund të qëndrojë pasi “Agon Channel” ka vetëm 0.7 përqind të audiencës, më pak se ndjekësit në “Facebook” të Luçiano Boçit, i cili ishte i pranishëm në debat.
Vetura e këngëtarit Shpat Kasapi ka shpërthyer sot në flakë në një udhëkryq të Shkupit.
Xhipi i tipit “Kia” ka shpërthyer në flakë sot pasdite në udhëkryqin e Butellit në Shkup.
Shpat Kasapi e ka konfirmuar lajmin për TetovaSot, duke thënë se makina e tij ka shpërthyer në flakë papritmas dhe se nuk dihen e arsyet e këtij shpërthimit.
Për fat të mirë askush nuk mbeti i lënduar nga zjarri.
Këngëtarja Jonida Maliqi është një nga emrat e paktë që nuk është përfshirë në ndonjë skandal të madh.
Ajo sot ka postuar 1 fotografi në Instagram ku shihet se është duke marrë rreze dielli dhe në pah ka njxerrë trupin e saj seksi transmeton Tribuna.
Por, Joni nuk ishte e vetme. Së bashku më të ka qenë edhe motra e saj e vogël e cila i kishte hipur mbi shpinë.
Dy këngëtarë: Meda dhe Mentor Kurtishi.
Emra shumë të njohur, shumë të pëlqyer në botën e showbizit.
Për të dytë, si për Medën ashtu dhe Mentorin është shkruar e shkruar sa pak gjë ka mbetur e panjohur , e pathënë për jetën e karrierën e tyre.
Mbase, ky informacion është i panjohur për fansat e tyre të rinj: këta dy këngëtarë thuajse e kanë rrugëtimin e njëjtë , të ngjashëm të karrierës.
Mentori në fillim të karrierës këndonte këngë popullore, të mirëfilltë shqipe. Dëgjohej ,por jo aq sa kur e ndërroi zhanrin e muzikës dhe hyri në muzikën që e pranoi publiku. E kritikuan, e sulmuan se nuk po këndon shqip. Po këndon muzikë tallava e komerciale- i thonin. Mentori nuk u ndal , në ato vite ishte këngëtari më i kërkuar dhe më i shituri në vend e në diasporë, për çka ka shkruar shumë herë revista Kosovarja
Po kështu edhe Meda : e filloi me muzikë folklorike, popullore. Lansoi dy albume, por, afirmimin e bëri me muzikën e këngën , të cilën ia kritikuan, e sulmuan dhe më shumë se Mentorin. Madje nuk e merrte asnjë TV për intervistë ,por as nuk ia emetonin klipet.
Dhe ja, erdhi koha, kur Meda u bë këngëtari më i shtrenjtë i estradës. Më i kërkuari dhe më i pëlqyeri gjithandej tash e dhjetë vjet.
Këngëtarja Fjolla Morina e cila së shpejti pritet të bëhet nënë , nuk po ndalet së treguari fotografitë me barkun e saj.
Ajo mbrëmë ka publikuar një foto në Instagram duke iu uruar fansave një natë të mirë, transmeton Indeksonline.
Fjolla ka shkruar për beben e saj: “Jam e dashuruar në një fëmijë që edhe nuk e kam njohur. Natën e mirë”.
Këngëtarja e re dhe shumë e përfolur Enca, nuk po gjen lookun e saj të duhur. Ajo ka vendosur që të vijë ndryshe me një look veror kësaj here. Në disa foto të publikuara në rrjetet sociale ajo shfaqet me flokët e gjatë bjondë dhe me poza provokuese duke treguar gjoksin e saj ka bërë që shumë komentues ti bëjnë komplimenta.
U vlerësua me kupën “Këngëtarja më e mirë femër” në finalen e “Top Fest”. Ky çmim i shkoi për shtat Beatrix Ramosaj kësaj here, jo vetëm me baladën me titull shumë të diskutuar “Dhoma 609”, por edhe për performancën skenike dhe linjat që ekspozoi në skenë. E pyetur se çfarë vëmendje i ka kushtuar fizikut, për të qenë në formën trupore që pamë në finalen e “Top Fest”, Beatrix përgjigjet: ”Zakonisht kujdesem me dietë të mirë ushqimore dhe ushtrime në palestër. Por që kësaj here, stresi dhe mbingarkesa kanë bërë të vetën. Për sa i përket dietës, përpiqem të konsumoj ushqim të shëndetshëm, duke mos e tepruar me sheqer e yndyra. Ajo tregon se nuk i nënshtrohet ndonjë regjimi të rreptë ushqimor. “Çdo gjë që konsumoj, përpiqem ta kem në sasi të vogël, duke shmangur darkën në orë të vonë”. Ndryshe nga daljet e tjera në skenë, Beatrix u shfaq këtë herë me linja elegante dhe të tonifikuara.
Vetëm pak ditë në grumbullim me kombëtaren dhe Arlind Ajeti është larguar për një vizitë të shpejtë në Kosovë, ku këtë të enjte ka ‘djegur shaminë’ e beqarisë, duke u martuar me bukuroshen kosovare Pranvera Krasniqi.
Mbrojtësi 21-vjeçar i Basel-it dhe kombëtares sonë do të kthehet të premten në Shqipëri, për të qenë në dispozicion të trajnerit De Biasi për ndeshjen kundër Francës, ku me shumë mundësi do të luajë të paktën në pjesën e dytë.
Ja edhe disa foto nga dasma e tij…
Aksidenti që pësoi javën e kaluar teksa u dëmtua makina e tij dhe ai doli i palënduar, duket se nuk do e ndalë këngëtarin e njohur Adrian Gaxha që të sjellë për fansat e tij një klip shumë erotik, që po xhirohet në liqenin e Ohrit. Femra të zhveshura, të nxehta dhe me fundshpinë marramendëse, shërbejnë këto si dekori që këngëtari Gaxha ka dashur të përdorë në projektin e tij të radhës, pasi në trend këtë verë janë “belfie”-t dhe, pikërisht për këtë shkak, Adriani duket se ka gjetur parajsën mes këtyre femrave. Fotot që kemi siguruar, tregojnë se ky videoklip i këngëtarit të njohur do bëjë vërtet bujë, edhe pse ndoshta do jetë i ndaluar për moshat minorene për shkak të përmbajtjes erotike dhe femrave shumë të zhveshura. ‘’Krahas muzikës, më shumë më tërheqin kafshët, më herët kam dashur të bëhem veteriner, por tani pasi kam shumë kafshë në shtëpi dhe kur e shoh se çfarë duhet të dish dhe të bësh për ata, kam ndryshuar mendje. Tani dua të kem më shumë vend për ta dhe të kujdesem’’, thekson Adriani, i cili tashmë fuqishëm ka marrë frenat në muzikë, ndërsa në jetën private ende është single. ‘’Pikërisht (qesh) këto ditë më ka rastisur të lexoj në disa portale që më kishin ‘lidhur’ me një femër, gjë që nuk është e vërtetë. Edhe më herët kanë ndodhur raste të ngjashme, por sërish të pavërteta. Hmm, sipas meje të gjithë ne jemi të dashuruar me dikë. Momentalisht gjendem në një pozitë që nuk di si të përgjigjem, edhe pse nuk është keq të deklarohesh se me kë je…’’. Por gjithsesi, Adriani deri më tani nuk është i gatshëm të flasë nëse ka vendosur të gjejë fatin e jetës apo nëse është në një lidhje.
Prej disa kohësh këngëtarja Afërdita Dreshaj ka bërë publike lidhjen e saj me sportistin çek Jakub Kindi.
Por lidhur me këtë marrëdhënie kohët e fundit fansava iu është zgjuar kureshtja duke pyetur: “Mos është ndarë Afërdita nga i dashuri meqenëse nuk ka postuar më foto me të?
Më tej duke hedhur një sy në llogarinë Instagram të Dreshaj, vihet re një mungesë fotosh e “çiftit” prej 15 javësh, duke qenë se këngëtarja më parë ka qenë shumë aktive në publikimin e fotove me njëri – tjetrin.
Megjithatë kjo është thjesht një hipotezë e ngritur nga fansat, pasi secili prej tyre ka në llogaritë përkatëse të Instagramit, foto sëbashku të cilat janë realizuar në momente të ndryshme të dy të dashuruarve.
Ai është i njohur për lidhjet e panumërta. Këtë radhë, Leo Di Caprio ka nisur një marrëdhënie me modelejn 24-vjeçare, Kelly Rohrbach. 40-vjeçari është fotgrafuar duke u puthur me të në rrugët e Nju Jorkut, duke konfirmuar kështu zërat për një lidhje të tij me modelen.
Fjolla Morina, ka zbuluar një sekret të madh sonte. Ajo për herë të parë ka treguar se kush është baba i vajzës së saj.
“Po, po ai është”, ka thënë Fjolla në pyetjen se a është baba i fëmijës biznesmeni Flamur Azemi.
Mirëpo, Fjolla ka thënë se është nëna dhe baba i vajzës.”Por nënë e babë jam unë”, ka thënë ajo në “Zonë e Lirë” në Klan, ku ka realizuar edhe një fotografi selfie me udhëheqësin e emisionit, Arian Cani.
Fjolla shumë shpejtë pritet të sjellë në jetë një vajzë.
Këngëtarja e njohur, dhe e bukur shqiptare, Ledina Çelo, duket se e po e mposhtë moshën.
Edhe pse prej më shumë se dy dekada në skenë ajo vazhdon të jetë e bukur dhe e freskët si në ditët e para kur u bë e njohur për adhuruesit e saj, transmeton lajmi.net.
Ajo sot ka publikuar disa foto në profilin e saj në Facebook, përmes të cilave u uron fundjavë të bukur miqve të saj. “Një fundjavë të bukur miq!”, ka shkruar Çelo.
Pervec se të dy janë emrat më të kërkuar të muzikës shqiptare dhe bëjnë të dy muzik rrep ,nuk është kjo e vetmja e përbashkët e tyre . Ledri dhe Stersi kanë të përbashkët edhe ditëlindjen e baballarve.
Avni Vula regjizori I njohur ,sot ka ditëlindjen . Me një status në rrjete sociale Ledri, ka berë njeë urim tepër të ndjer për babin e tijë duke shkruar: Happy birthday best father&friend! Uroj me te mirat per ty edhe faleminderit qe ke qen shembulli me i mire ne bote! Im lucky, transmeton paparazi.
Por edhe babi I Stresit, Sali Lushaj ka sot ditëlindjen dhe mbush plot 60 vjec. Stresi me një status të kushtuar të atit në profilin e tijë në Instagram, I ka uruar atij ditëlindjen dhe bënë publike premtin që ata të dy I kanë bërë njëri –tjetrit, që do jenë bashkë deri në pafundesi.
Soni Malaj ka ndryshuar shumë dhe është e dukshme që ka bërë edhe ndërhyrje kirurgjike për ta përmirësuar pamjen e jashtme.
Kjo, nuk ka kaluar pa u vërejtur nga njerëzit, të cilët nuk ngurrojnë ta diskutojnë pamjen e saj, e besa edhe ta sulmojnë me fjalë, mu në profilin e saj zyrtar në Instagram.
Një ndjekëse e këngëtares në këtë rrjet social, i thotë Sonit se është “operacion i tërë”.
Këngëtarja nuk e ka parë të udhës ta fshijë këtë koment aspak të këndshëm.
Ka treguar se është e lin dur për televizion. E ka shumë të thjeshtë të përshtatet me çdo format si dhe është gjithnjë kënaqësi për sytë, teksa e sheh ekstravagante në ekran. Kohët e fundit, Aurela Hoxha drejton një emision dedikuar modës, çfarë është dhe një pasion i saji. Si një fashioniste e vërtetë, na tregon se shqiptarët po vishen gjithnjë e më shumë me stil dhe shije. Nuk lë pa përmendur edhe pasionin për fotografinë, por gjithnjë e rezervuar edhe para aparatit, duke u shprehur se sensualiteti tregohet edhe e veshur. E nëse mendoni se ka ndryshuar mendim sa i përket jetës private, e keni gabim. Për moderatoren simpatike është e largët dita kur do të flasë për partnerin, ashtu si është e largët edhe dita kur do të bëhet nënë, sepse për bukuroshen, prioritet aktualisht është karriera.
Riktheheni si moderatore; sa ju kishte munguar prezantimi?
Shumë! E kam thënë disa herë që televizioni është dashuria ime më e madhe, kështu që rikthimi, dhe mbi të gjitha në një format të tillë, ishte vërtet gjëja e duhur.
Një format i ri në televizionet shqiptare. A ishte kjo një ide e juaja?
Nuk ka qenë ide e imja, por ka qenë një program të cilin unë e kam ndjekur dhe pëlqyer edhe më parë në ekrane të ndryshme të huaja. Sigurisht, jam e lumtur që tashmë është në Shqipëri e mbi të gjitha që m’u propozua të jem drejtuese, imazh i këtij formati.
A mendoni se formati që ju drejtoni është për një shtresë disi më elitare?
Nuk mendoj kështu! Mendoj se është një format shumë popullor, tek i cili shumë mirë mund të gjejnë veten të gjitha shtresat e shoqërisë. Si të tillë po e trajtojmë edhe ne, duke dhënë tema dhe buxhete të ndryshme javë pas jave, që të gjitha zonjat dhe zonjushat që na ndjekin nga shtëpitë të gjejnë veten, dhe pse jo, të marrin diçka prej tij. Kujtoj që nuk kemi as kufizim moshe në pjesëmarrje të konkurrentëve për ta bërë akoma më popullor dhe të prekshëm këtë për publikun shqiptar.
Ishte e vështirë të gjeje vajza që kanë shije kur bëhet fjalë për modën?
Vështirë! Mendoj që ato vajza dhe zonja që na u drejtuan në audicione ishin pikërisht një pjesë e mirë që e dashurojnë modën, të bukurën, sigurisht me shije e stile të ndryshme, jo gjithmonë të mirinformuara. Megjithatë, kjo ishte dhe ideja, të sjellim pak realitetin, ta vëmë atë në përballje me njëra-tjetrën çdo ditë, për të kuptuar dhe pak nga karakteri dhe ideja që ka gjithsecila për stilin dhe trendet. Në fund të javës, kjo vlerësohet nga një panel profesionist.
Si vishen shqiptarët sot?
Duke marrë parasysh kushtet në të cilat jetojmë, duke marrë parasysh edhe situatën ekonomike, mendoj që përpiqen të jenë të veshur shumë mirë dhe me stil. Ka, sigurisht, plot probleme, dhepër këtë më vjen keq, pasi tani ka shumë mundësi informimi, megjithatë unë e shoh pozitivisht këtë aspekt, pasi në fund të ditës, nëse dalim në një shëtitje në Bllok, të rinjtë apo dhe mosha më e madhe, në dukje nuk kanë asnjë ndryshim me shumë kryeqytete fqinje.
A këshillohen vajzat me ju kur vjen puna për veshjet? Po jashtë programit, a ka fansa që ju pyesin rreth stilit?
Unë nuk kam të drejtë t’u jap mendim vajzave (për fat të keq!), pasi nuk duhet të influencoj në vlerësim, por jashtë programit, sigurisht, në adresën time të “Instagram”- it më shkruajnë pa fund dhe më pyesin për veshjet e tyre, për stilin, dhe kjo më mbush plot lumturi.
Si i shikoni moderatoret shqiptare sot, si vishen ato?
Në përgjithësi, çdo televizion tanimë ka një kurator imazhi, dhe si i tillë besoj është i pagabueshëm në këtë aspekt. Nuk është se i kam studiuar me vëmendje, por siç përmenda më lart, kam bindjen që çdonjëra prej tyre është shumë ‘OK’, që i përshtatet formatit që drejton, orarit të transmetimit, fizikut, e gjithashtu trendeve që ofron moda.
Po nga ana profesionale, sa të afta janë, kë keni mikeshë ndër to?
Këtë nuk më takon mua ta them. Unë, sigurisht, mund të kem mendimin tim, por mbetet diçka shumë personale dhe ndoshta aspak profesionale. Unë pothuajse me të gjitha kam relata shumë të mira.
Njiheni për dashurinë që keni për aparatin fotografik; a ka ndonjë pozë që do t’ju intimidonte?
Po, fotografia është një tjetër dashuri e imja. S’di të them nëse ka ndonjë pozë që do të më intimidonte, deri tani çdo gjë ka qenë shumë mirë.
Do ta shikojmë ndonjëherë Aurelën në poza sensuale, pse jo nudo?
Nudo jo, ndërsa sa për sensualitetin, besoj se është shumë i brendshëm; atë mund ta shfaqësh shumë mirë edhe e veshur.
Shpesh ju krahasojnë me Monika Beluçin; ju pëlqen ky krahasim?
Beluçi është një ikonë e cila do t’i rezistojë kohës, është, pa diskutim, një nga femrat më të bukura në botë. Gjithsesi, unë dua shumë të më duan për Aurelën, pasi çdo femër është e bukur sepse ka atë veçantinë e vet, ato imperfeksionet e veta, por individualiteti e bën secilën prej nesh shumë të bukur.
Keni menduar ndonjëherë të bëni karrierë jashtë kufijve të Shqipërisë, keni marrë ftesë nga ndonjë brend ndërkombëtar?
Kam zgjedhur ta zhvilloj karrierën time në Shqipëri jo rastësisht, po sepse kjo ishte zgjedhja ime prej së vogli, kur i kisha të gjitha mundësitë të provoja veten jashtë. Për të ardhmen nuk dua të flas, pasi ndonjëherë, çfarë të sjell momenti, nuk të sjell jeta i thonë, por asgjë konkrete momentalisht.
Nëse ju pyesim cili është profesioni i vërtetë i Aurelës?
Nuk më ka penguar kurrë ky konfuzim i publikut apo i mediave, pasi unë kam studiuar mjekësi, drejtësi, të cilat mund të ishin profesionet e mia. Por punoj prej kohësh në media, duke drejtuar prej 8 vitesh një revistë mode dhe duke qenë pjesë e spektaklit, herë si moderatore e herë si showgirl. Në tërësi kjo është ajo çka bëj çdo ditë. Kur t’i gjejmë një emërues të përbashkët, do ta quajmë ashtu.
Cili është thashethemi më i ashpër që keni dëgjuar për veten?
S’mund të ketë ashpërsi për mua në një thashethem. Kur është i tillë, unë e konsideroj thjesht thashethem.
Ju lëndojnë më gojët e liga apo jeni mësuar?
Më lëndon gjithçka jo e mirë që më adresohet mua, dhe me këtë nuk mësohem kurrë, por thjesht përpiqem të jem indiferente.
Gjithnjë shumë e hapur për mediat, por tepër diskrete kur vjen puna për jetën private; përse kjo zgjedhje?
Sepse, kur kam zgjedhur të jem pjesë e medias, e kam bërë se dua të ndaj me publikun pasionin tim për modën, televizionin, dhe ta bëj atë në mënyrën më të mirë të mundshme. Jeta ime private nuk ka asnjë lidhje me profesionin tim, kështu që unë zgjedh ta mbaj për vete.
Mendoni se bërja publike e jetës personale e dëmton atë?
S’e di; ndoshta po, por ndoshta dhe jo. Rastet flasin në mënyra të ndryshme, megjithatë, njerëzit duhet të bëjnë atë që i bën të ndihen më mirë.
A do ta shikojmë së shpejti Aurelën veshur me të bardha në altar, dhe jo për set fotografik?
S’e di!
E keni menduar ndonjëherë veten nënë? Kur është momenti i duhur për të pasur një fëmijë për Aurelën?
S’e kam menduar. Të tilla gjëra në jetë vijnë pa shumë plane. Unë jam në një fazë që po shijoj karrierën time dhe po i përkushtohem tërësisht asaj.
