Lidhja e tyre disa-vjeçare ka marrë fund vetëm para disa muajsh. Tetovari me nënshtetësi zvicerane, që luan si mesfushor në Napoli, ka ngelur pa peshkun e artë, siç shkruajnë mediat italiane pas ndarjes nga Miss Italia, bukuroshja Alessia Tedeschi.
Arsye për ndarjen e tyre flitet të jenë prezenca e Alessias në “private party” të organizuar nga futbollistë dhe personazhe të njohur në Itali, duke e ditur që shqiptarët për këto gjëra janë xhelozë pa fund. E fundit ku ajo ka qenë prezente ishte në një jaht lukzos në Capri, ku bukuroshja italiane pësoi edhe aksident pas hedhjes në ujë nga jahti. Alessia ka vënë veten në rrezik për jetën, po të mos ishin qenë miqtë e saj që e shpëtuan.
Pikërisht këto përjetime të italianes kanë vënë në krizë edhe lidhjen me futbollistin e njohur Blerim Xhemaili, i cili për momentin shijon beqarinë, njësoj si ish e dashura e tij, e cila pas aksidentit është rikthyer në formë të shkëlqyer duke prezantuar linjat trupore.
