![]()
Ish-miss Kosova dhe tashmë këngëtarja shqiptare, Morena Taraku, njihet për një jetë shumë luksoze që ajo bën, por në fakt kjo nuk e ka zbehur prej saj ndjesinë e një femre shqiptare me të gjitha tiparet.
Në një intervistë për Tribunën, Morena është shprehur për shumë gjëra të ndryshme, duke filluar nga tipat e personave që ajo pëlqen, e deri te disa prej pyetjeve më të çuditshme.
Morena thotë se asaj i pengojnë personat gënjeshtarë dhe tradhtarë, teksa ka frikë nga zgjedhja e personave të gabuar.
Kur është pyetur se nëse do të fitonte 1 milion euro në lotari, Morena tha se ajo do t’i shpenzonte duke i ndihmuar atyre që kanë nevojë, gjë të cilën ajo tha se po e bën edhe aktualisht pa e fituar lotarinë.
Por në pyetjen më të çuditshme se nëse ajo bën punë shtëpie, Morena është përgjigjur se ajo çdo ditë i bën ato, pavarësisht angazhimeve të shumta, agjendave të ngarkuara e jetës mjaft luksoze që ajo bën.
Ndryshe, Morena është në përgatitje të projektit të saj më të ri, që po realizohet nga Florent Boshnjaku.
