Ish-zëdhënësja e ish-kryeministrit Sali Berisha, Erla Mehilli, tashmë ka më shumë kohë për të bërë ndonjë arratisje të vogël në breg të detit, edhe pse është stinë e ftohtë dimri. Erla, e cila vazhdon të punojë me Berishën në zyrën e tij të re në “Aba Center” në Tiranë, tashmë ka më shumë kohë për veten. Në rrjetin social “Facebook”, ajo nuk ngurron të shkruajë statuse politike, duke mbajtur qëndrim opozitor ndaj Kryeministrit aktual, Edi Rama.
Pasi dha dorëheqjen nga pozicioni i zëdhënëses në Kryeministri, Erla u komentua për reagimin e saj në “Facebook”, lidhur me albumin e fotografive të publikuara nga Rama, nga punimet që po bëheshin në Kryeministri. Për sa i përket jetës private, Erla aktualisht bashkëjeton me Keltis Krujën.
